أمة صلاح الدين

كنا زمان واحد … لكن بقينا كتير

و شعب بينادي .. بس إحنا ليه نايمين 
قتلوا خواتنا في يوم .. في ميدان التحرير
ظلمونا واحنا اهه ساكتين 
سرقوا تعب و كفاح .. أُمة صلاح الدين
و طفل سوري ينادي …
فين أمي ؟؟وفين بلادي ؟؟!! … فين أمي و فين خواتي
بيقولك ليه يا مسلم .. هان عليك دمي و بلادي ؟؟!!
بيقولك نفسه يشرب .. و أنت نايم لا تبالي
و يضرب في جندي مارد .. موت إبنه بسيف بارد
و أنت جايلك قلب تفرح .. و لا الجبن بقي فيك ده واضح
تفتكر ربك هيرضي عن هوان وذل كده عادي ؟؟
تفتكر لما رسولك .. كان يبص عليك يشوفك
يبصلك يداري وشه.. منك ولانتاش داري
أصله كان نفسه يشوفك .. يلقي صلاح الدين 
أصله نفسه يشوفنا أمه .. في يوم من التابعين 
و كمان نفسه يلاقينا .. أمه واحده منتصرين 
يلاقينا مع اخواتنا .. نواسيهم و نحميهم
لو كانوا يوم في الهند أو في بلاد الصين
و جمب أخويا السوري أصلي في فلسطين
بس امتي نفوق يا صحبي من نومه بقالها سنين ؟؟
فيها كنا غارقانين ..يمكن كمان عاجزين
وسط شلة عواجيز .. أيوه شلة عواجيز !!
عجزه ومحكومين !!
إيشي مره من صهيوني .. ومره من عدو حقير
يلا بينا نفوق يا صحبي !!
يلا بينا علي سوريا .. وبكره علي فلسطين
في القدس نصلي سوا واحنا منتصرين
أيوه صدقني هنقدر ما أحنا أمة صلاح الدين

آيه إبراهيم
12-3-2012