حوار مع العقل

لِمَ يا عقل أصبحت عقلاً ؟

في مجتمع لا يعرف قيمة العقل !!
و متي ستكون حراً ؟؟
و متي ستثور يوماً ؟؟ 
علي تقاليد قد تعفنت علي مر السنين !!
كيف تجرؤ أن تفكر ؟؟
و أنت لسه في العشرين !!
إنت عندك خبرة سابقة ؟؟
تبقي طبعاً خبرة خايبة !!
ما أنت لسة في العشرين !!
و كمان عاوز تجرب ؟؟
يا بني ريح نفسك و أمشي في المضمون 
يا بني عيش الواقع وبلاش بقي تقاوح 
أوعي تكون بتفكر في يوم تكون إنسان ؟ 
يبقي إنت أكيد أكيد مجنون
يعني إيه تحب شغلك ؟؟ أو حتي متحبوش ؟؟!!
إصبر كده و أستحمل أو حتي خد إسبرين
يعني تسيب المضمون ؟
و تروح للي في أحلامك بس موجود ؟
!!و مكانك اللي علي المكتب !!معقول تسيبه يروح ؟؟
و شهادة الخبرة .. من فين تاني هتجيبها ؟؟
يعني إيه تفكر لوحدك ؟؟
يعني إيه تقرر لوحدك ؟؟
عاوز تحلم إحلم براحتك
يس قرارك مش بأيدك
إحنا إيدنا هتكون بأيدك 

متي إستعبدت العقول ؟ و قد خلقها الله حرة 

24-9-2012