في جلسة صفاء كده مع النفس و مع الدنيا بصيت لقيتني بكلم نفسي و بقول لها :-
.....................
كل حاجة في الدنيا نسبية ... لا وجود للمطلق في حياتنا ... بمعنى :-
مفيش إنسان متفائل بنسبة 100% و لا إنسان متشائم بنسبة 100%
بس في إنسان متفائل بنسبة 90% و متشائم بنسبة 10%
و إنسان آخر متشائم بنسبة 90% و متفائل بنسبة 10%
و هكذا كل الصفات اللي موجودة في الإنسان موجودة بنسب معينة
إذن ... مفيش إنسان كويس بنسبة 100% و لا إنسان سيء بنسبة 100%
و لكن في إنسان صفاته الحسنة 90 % و صفاته السيئة 10% و العكس
إذن الناس كلهم فيهم خير ... إذن الناس كويسين ... هي فقط عملية نسبية
و على الإنسان كما قال علماء التزكية أن يحاولوا قدر المستطاع التحلي بالصفات الحسنة و التخلي عن الصفات السيئة
و هذا ما يطلق عليه جهاد النفس
....................
يوجد لدينا آفة عدم تقبل الآخر
نهوى تفصيل الناس على هوانا
نتقبل الآخر في حالة أنه متفق معنا و مع ثقافتنا و مع أهوائنا
غالباً لو دورت في الشخص اللي أنت مش متقبله هتلاقي حاجات هتتفق معاه فيها
هنرجع تاني للنسبية ... برضه الإتفاق و الإختلاف نسبي
مفيش حد هتتفق معاه بنسبة 100% و لا حد هتختلف معاه بنسبة 100%
و بعدين فكر في اللي قدامك ... مش جائز هو اللي كويس و أنت اللي مش كويس
مش جائز هو اللي صح و أنت اللي غلط
كل الناس جواها خير ... دور عليه هتلاقيه
تقبل الإنسان اللي قدامك زي ما هو
عاملوا الناس على قدر عقولهم
هتحب و هتتحب ... هترتاح و هتريح ... هتتبسط و هتبسط الناس
و فوق كل ده هتأخد .. ثواب
.....................
الدعاء علينا حق
بتحب واحد .... أكيد من غير ما أقولك أنت بتدعيله
طيب مضايق من واحد
جرب تعمل Zoom out كده
مبدئياً الإنسان اللي أنت مضايق منه ده أو شايف إنه مش كويس أو حتى مؤذي ... هو جواه خير و لو بنسبة 1% .... دور عليه هتلاقيه
ثانياً إلتمس له 70 عذر
ثالثاً : الإنسان ده بقى كده نتيجة ظروف معينه فرضت عليه إنه يكون كده ... فأصبح عنده نقص في حياته ... النقص ده عمل خلل في حياته ... فأصبح مريض ... و بالتالي من حقه عليك إنك تدعيله يمكن ربنا يهديه و يغير عمره اللي جاي ... مش إنك تأخذ منه موقف و تضايق منه .
حق من حقوق الناس عليك إنك تدعي لهم
آيه إبراهيم
10-5-2013
No comments:
Post a Comment