للجنة هرسم بيت

كنت في طريق طويل … دوشة و زحمة و تخبيط 
كنت الغريق من غير رفيق … كنت الغريب وسط الصديق 
كنت الوحيد في ظلام و ليل … كنت البريء في غيوم و نيل 
كنت أنا و هما بعيد … كنت أنا لربي بكيت 
فجأه في يوم في مكان جديد … فجأه في نور في خيط جديد
فجأه في يوم في ميلاد جديد … يوم ما إتولد حلمي الكبير
يوم ما إتولدت أنا من جديد … يوم ما بقيت إنسان جديد 
يوم ما رميت إحباط سنين … يوم ما إكتشفت إني فريد 
يوم ما إكتشفت أنا ليه وحيد … يوم ما عرفت أنا ليه ومين 
و خطوة بسبب و خطوة من غير سبب … و خطوة كانت هي السبب 
و خطوة راحت و خطوة جت … و خطوة هترسم طريق يتمد 
جوايا مش برة … في حرب فكرية 
و الناس حوالية … بيقولوا مين ديه
و ناس هناك تانيه … بينوروا عنيه
دول هما ضي عنية … ربي و بعتلي هدية 
حلم و علم و أمل … بيهم عمري أكتمل 
فاكر يوم ما دعيت … وصبرت و استنيت 
و فتحت باب البيت … رزقي لقيته في خيط 
عدى و رسم على الحيط … عدى و أنا عديت 
و قلت أنا للخيط … للجنة هرسم بيت

آية إبراهيم 
30 - 3 - 2013